紅酒炆牛肉 + 意大利飯

July 3, 2014, Thursday

昨晚搽了眼藥膏瞓覺, 今早眼睛好多了, 但仍很乾及對陽光很敏感.   開車都係有的危險, 都係在家休息一天好的.   在家工作都係一樣啫.

雖話係病假, 但在家一樣工作 了幾小時, 到最後對眼真係太攰, 才去小睡一會.

今日Ruby放假, 我唔想出去食, 午餐晚餐都要自己煮.    午餐就簡單的, 整即食米粉, 但晚餐要煮埋型爸同二公子嗰份.

打開雪櫃, 比我見到兩塊牛扒.,,,,很外眼, 因為呢兩塊牛扒一的都唔好味.

  
買時寫著美國極佳西冷, 但一的都唔覺極佳, 上次BBQ, 真係韌到咬都咬唔開, 最終都係浪費(咁有的益咗Loki, 對佢嚟講, 佢唔會覺得韌, 兩啖就吞咗.  以後要認著咁平嘅極佳唔好買呀!

一次買咗幾塊, 現剩兩塊, 今日用另一個方法, 睇吓好唔好的.

呢, 就係呢兩塊啦, 睇落唔錯架, 仲好厚身, 但就係又韌又無牛味.

我以前睇電視, 見過個鬼佬話, 點韌嘅牛扒, 只要用紅酒浸, 的肉質便會變鬆軟.   我都仲未諗點煮, 第一時間先用紅酒浸咗佢.

用嚟浸牛扒, 唔需要靚紅酒, 呢樽紅餐酒買咗好耐啦, 以前買嚟浸洋蔥, 而家用嚟浸牛扒.   哈哈, 我的闊口瓶就係咁嚟架.

就係咁倒咗半枝紅酒

浸到過面.

浸緊牛扒先去上網searh點煮好....哈哈, 我就係咁嘞.    其實好想浸完就咁煎,但上網搵過無類似個案, 都係乖乖整紅酒炆牛肉算啦. 

香料, Thyme, Bay leaves, black pepper 都有.  紅蘿蔔, 洋蔥都有.

無蕃茄, 但有一礶頭, 可以頂著.

牛湯粒只剩一粒,都ok無問題.

 
其實最好浸耐的, 但我只浸了個幾鐘, 拿出來切件 (今日唔舒服, 又要工作, 食咗的抗敏藥又要休息, 五點幾先開始, 邊夠時間)

切好後盡量瀝乾紅酒, 再上麵粉

用個27" Staub Oval煎封的牛肉粒.

另外用一個煎pan 炒香的蒜頭, 洋蔥紅蘿蔔

牛肉煎封好, 加入之前浸牛肉的紅酒, 牛高湯,邊煮邊拌

再加入洋蔥紅蘿蔔蕃茄, 煮滾, 加香草加調味, 嘩, 落得太多蕃茄, 要加番的糖先得.

加蓋用小火炆煮了大概一小時.   (哈哈, 個煲好靚呀!)

今日獨沽一味, 要整個主食先得呀!

有兩包快煮Risotto, 啱哂.

攞埋個24cm Staub 蜂窩底出嚟

將Risotto倒入窩內, 分兩次加入800ml 水(package 話要一包用500ml 水, 我煮兩包, 煮兩包應該要1000ml, 但無落足水), 煮了幾分鐘(邊煮邊拌), 加蓋又煮了幾分鐘, 跟著熄火焗10分鐘

睇吓, 兩鍋一齊煮, 幾靚.

的牛肉炆到咁上下, 預熱焗150度放入去焗燉

八點半先食飯, 我諗都燉咗45分鐘至一小時.    嘩! 一路焗燉已經聞到小小香氣, 到上檯打開蓋, 簡直就係香氣四溢.

的飯都煮好啦, 口感啱啱好, 還有少許Al Dente嘅感覺

我們的紅酒炆牛肉配意大利飯晚餐.

的紅酒汁真係無得頂, 好味呀!   的牛肉炆咗就唔韌啦, 但係的牛肉質地唔靚, 有牛筋稍為肥少少嘅部份就ok, 但係瘦嘅部份的肉質都係好嚡囉.  如果用的靚的嘅牛肉, 咁就無得彈啦.

型爸話紅酒炆牛肉就飲少少紅酒啦.  我飲兩啖啦...哈哈, 不過呢的用剩嘅餐酒, 唔好咁大期望呀!