Delifrance + McCafe

Jul 2, 2014, Wednesday

今日對眼好唔舒服呀.   昨晚整荔枝酒時, 都覺得對眼好乾有的唔舒服.   咁整完的酒馬上洗手除去隱形眼鏡.  跟著沖涼睡覺, 無咩特別吖.

今早起床梳洗, 覺得對眼好乾, 咁就開枝新的眼藥水.   滴完眼藥水就開車返工.  點知一路開車, 一邊流眼淚,  眼角仲有的刺痛.   返到公司, book就近睇醫生.   醫生話角膜發炎, 亦都有可能過敏.   都唔知攪咩, 枝眼藥水係新開架.  馬上掉咗佢唔敢再用.

醫生話我要返屋企休息, 但我點開車呀, 今早不停流眼水都覺得好危險啦, 晏的叫型爸接, 但型爸唔得閒呀, 咁唯有留喺公司繼續做野等佢啦.

午餐唔想去咁遠, 今日只得我同麻煩鬼同事.  佢提議去Delifrance, 都好吖, 近的唔使行咁遠.我對的陽光好敏感, 出到去好似睜唔開眼, 入室內就好好多.

 
以前Delifrance 响帝國中心, 最近搬咗過嚟文華中心

 
响一樓, 地方都幾大

Lunch set 價錢由五十幾至六十幾, 包飲品或餐湯.


我們都要了蘑菇湯, 的湯好稠, 好似加了麥皮落去煮咁.

 
的蒜落包唔熱架, 仲唔脆添

 
麻煩鬼同事要了煙火腿扁意粉 HK$55, 但佢話好淡, 的汁好稀, 上次的炒意粉好味的.

  
 我要了黑椒腸炒意粉 HK$59, 又幾好味喎.

哈哈, 每人五十幾文, 但麻煩鬼同事話好似唔名夠飽.  要咗餐湯無餐飲好似少咁的野.

咁好啦, 佢成日想去麥記效飲嗰杯Tiramisu咖啡, 滿足吓佢啦.  不過我對眼就慘的, 又要面對的陽光, 打哂傘都覺得刺眼呀!

買哂廣告, 都幾吸引架.

結果我地每人要一杯凍Tiramisui 咖啡@HK$29, 加一件Tiramisu HK$16 (要了飲品半價)

呢道仲有其他飲品蛋糕可以叫呀!

麻煩鬼同事話今日呢餐好貴呀, 要九十幾文.   咁下次直接吸呢道食, 叫一杯野飲HK$31(大杯) + 半價要一個包HK$16, 再半價要一件甜品HK$16, 咁都只係六十幾文, 咁咪平的囉.

再唔啱, 叫我麥香雞腿包餐, 呢排做promotion, 二十幾文, 仲平的呀!