寧波 - Day 1 - 20140707

July 7, 2014, Monday

呢排真係唔知攪咩, 咁大頭蝦都有, 結婚紀念日唔記得都算啦, 連証件都唔記得帶回家, 好彩之前一晚發覺, 唔係去到機場先知道就真係頭痕啦.

星期五食晏時, 証件放咗落平時出去食飯的細手袋, 放工時手機呀咩都記得攞, 就係的証件唔記得攞.   攪到昨晚執行理先發覺無証件.   攪到成晚都心掛掛瞓唔好, 今朝未夠六點就醒咗, 七點幾就開車返公司攞証件, 順便早的返去公司清咁的email, 八點半先由公司開車去機場.

每次都係坐早上同一班機, 今次好彩, 無delay.

左騰右騰咗一個早上, 卒之可以定下來去Premium Lounge食個早餐.  飲番杯肉桂咖哩relax一下.

食咗早餐, 呢份飛機餐就食唔落啦.

出差就係咁, 晨早起身, 到下午三點先去到寧波寫字樓, 跟著六點就收工, 因為寧波呢邊無需要加班.

收工回去酒店休息一陣就出去食晚飯.  攰到死都係隨便行過萬達廣場求其搵間餐廳.

都唔想諗, 同同事兩個人, 就去最近的風雲肥牛小火鍋, 呢道最好, 一人一鍋, 夠衛生

醬料生果小吃, 每人收RMB8, 都算係開胃小食.

兩個人叫好少野咋, 羊肉, 炸腐皮, 豬肉丸, 水餃, 蝦滑, 兩款菜.

我要了野菌湯底

本來好清嘅湯, 焯完的肥羊肉就超多油

同事要了番茄海鮮湯

兩個人食了RMB177, 都算經濟.

食完行行超市當散步, 跟著返酒店休息.  昨晚睡不好, 今晚要早的瞓, 明天是繁忙的一天.