鹽麴 & 醬油麴

July 13, 2014, Sunday

 上次豆豆媽咪送我的鹽麴, 整咗兩次鹽麴青瓜, 一次鹽麴豬扒, 仲剩番一的.  諗吓, 的盬麴醃出嚟嘅食物都ok, 咁不如自己整啦，仲可以一次過整埋醬油麴


呢包米麴, 我同事幫我買, 唔知喺一田定City Super.  我去大埔超級城嘅一田就搵唔到.


打開包米麴聞吓，真係有的米香味.

一包米麴有３００g, 我將佢一分為二，一半整醬油麴，一半整鹽麴。　　上次豆豆媽咪送我的那一包，１８０g可以用幾次, 今次一包整兩款，每款整好應該有450g, 真係有排食，無需整太多。

上網參考了鬼嫁及Carol的自在生活.   我呢包係乾米麴, 跟了鬼嫁的做法.　

哈哈，真係very easy, 無難道呀！

 
先整醬油麴，因為好易，只係鹽麴及萬字牌日本豉油

 
１５０鹽麴，加了300g日本豉酒，　咁就得啦.

跟著就到鹽麴啦。

  
 沖繩買回來的海鹽用哂，用了這款加拿大買回來的海鹽

  
份量是１５０g米麴，50g海鹽, 250g凍滾水

  
自加米麴，加鹽，再加水，用匙攪拌一下就得啦

 
睇鬼嫁的做法，不用將蓋扭得太實, 讓米麴可以透氣發酵

  
兩瓶都攪掂啦。

  
幾小時後再睇吓，鹽麴的水份差不多全吸哂

我見的水唔可以完全蓋著的米麴，加了一點點水

跟著再拌勻....加了的點水又好似多咗的, 我諗都ok嘅.

跟著就係等等待嘞, 每天我都會打開蓋用匙攪拌一下.  只要十天便可以.

第七天, 仲有三天.  不過我覺得仲未似粥喎, 上次豆豆媽咪送嗰包, 真係好似粥同糊仔咁架...咁即係話要繼續等啦

 第十一天,  應該收成了吧

 但跟之前幾天, 變化不大

 似潮州粥

並不似買回來好綿似糊仔咁.

無理由架, 再去鬼嫁個blog睇吓, 原來真係似潮州粥就ok啦.   (哈哈, 我整時淨係參考份量, 無睇收成係點)

現在可以安心轉小瓶了, 轉了小瓶先再放入雪櫃, 咁每次用都方便的.  用完一瓶再一瓶,  咁樣會衛生的,  應可儲存耐的.

五號屋要去旅行, 一定要整好入雪櫃先放心.  去完返嚟先用呢的鹽麴同醬油麴.