寧波 - Day 3 - 20140709

July 9, 2014, Wednesday

昨晚卒之瞓得好的啦, 今早七點半先醒, 叫做夠瞓的啦.

梳洗完, 就落去食早餐

例牌整個蔬菜素麵.  

昨晚食得太多, 今早唔食咁多啦.

飲番杯奶就夠啦.

食完返公司, 今日只有半天, 十二點就要離開去機場.

今次又好彩,平時要一點零五分先可check in, 今日十二點四十五分就可以.

過關之後就可以去食午衣餐, 選了芹菜餃子.

一切順利上機, 以為唔使delay啦, 點知都係要等到三時十五分先起飛.

今日的飛機餐.  好彩已經食咗水餃, 因為的pasta無味, 的牛肉又嚡又韌, 飛機餐係咁上下, 唔食無損失.

到港五點, 過關攞行理跟著攞車, 返到屋企都七點幾啦.

出差真係好攰, 大部份都係交通中.

今晚可以同型爸二公子一齊食晚飯, 仲有Loki....真係開心.

晚餐有:

 
咖哩牛筋腩

炒青瓜

煎素鵝

蒸雙黃蛋

仲有蕃茄紅蘿蔔薯仔魚湯

有咩野好得過家裡的幾餸一湯.

食完飯又要開工, 好多野要做, 唔係明天返到公司仲忙呀!