一寶中日高級海鮮火鍋

July 4, 2014, Friday night

今天約了舊同學晚飯, 算係餞別會吧. 

一位同學為了兒女學業, 帶他們回英國讀書, 那邊沒有那麼緊張吧.   另一位則要去澳洲一年幫兒子(帶孫兒), 哈哈, 兩位都有人生的另一階段.

 

其中一位同學, 訂了一寶中日高級海鮮火鍋

  
呢間餐廳响The One, 5樓

去到大家先點了兩個小食, 因為其中一位仲未嚟.

等呀等, 我地約七點, 佢差唔多八點都未到, 我地先叫野, 食著等.

呢道有幾款套餐, 但無叫呀, 六人套餐要二千幾文, 同學話都係散叫, 食咩要咩.

要了八寶丸

海中蝦

肥牛一碟.  無叫好多, 因為有同學唔食牛

龍躉片,  一隻醉雞

呢個鱲魚刺身係送架, 我地七個人, 送兩條, 但有一個同學未到, 先上一條.  另一條等她來到再上吧.

另外再叫了烏冬及野菜鍋

呢個係醉雞鍋湯底.

唔知係咪邊等邊食, 食得好慢, 好似好快飽咁. 

另一位同學八點幾到, 都只係加了一客烏冬.   最終隻雞都食唔哂, 烏冬都剩一半.

哈哈, 呢道除咗送鱲魚刺身, 仲送Dreyer's 雪糕做甜品.  不過獨沽一味, Belgian Triple Chocolate.

埋單HK$2,068

我地都唔係叫好多野, 呢個價錢算合理.  比叫套餐便宜一點.