海韻軒天澄閣

October 26, 2014, Sunday

呢排真係好食神, 我地上次請姑奶同佢姑仔兩夫婦食大閘蟹, 今日佢回請我地飲茶.

對我地嚟講地方遠咗的, 要去到紅勘灣海韻軒, 天澄閣

約咗十一點, 主人家一早到咗, 開定位等我地.  

久唔久去不同地方食野都幾好, 可以學習吓不同的煮食方法

呢碟睇吓係咩, 好似年糕, 但唔係.  食落原來係鮮淮山.  用麻醬攞咗, 味道唔錯.  咦, 唔止鮮淮山, 我諗牛蒡都可以同一方法.

豬腳仔

滷水掌翼

炸素鵝

皮蛋豆腐

呢個生菜雞絲粥就麻麻

仲有好多點心.

主人家真係好客氣, 係咁點係咁要我地食.  食咗咁多點心, 仲有咁多廚點, 但又唔係好貴.  我地h八個人, 埋單七百幾文, 呢道住客仲有九折.  即係每人都唔使一百文.  地方幾好價錢唔貴.   如果我地肯十二點前埋單, 仲有七五折添.  但我地加了烏冬, 過了時間, 只可享九折.

 主人家從美國來, 租了這裡service apartment, 今天請我地上去佢租嘅單位坐吓.

 
 唔怪我得之係咁要我地上去, 原來佢訂咗蛋糕, 要我地一齊慶祝.   佢同姑奶同一日生日, 呢兩年回香港發展, 都係同姑奶一齊慶祝.   仲拎咗一枝山楂醋比我地飲, 又幾好味喎.

祝Angie & Amy生日快樂!

其實我地已經好飽, 但都係要幫手食埋個蛋糕.    好好味呀!  多謝哂!

食神真係照顧我地, 都未食完呢餐, 型爸的朋友又打電話比佢, 今日有大閘蟹到, 叫我地今晚去佢地屋企食....今年第三餐大閘蟹啦....