素鵝

November 1, 2014 Saturday

上星期去全駿記(樹記)買腐竹, 買咗幾執腐皮, 放咗入雪櫃差的唔記得, 趁今日有時間, 包的素鵝, 一陣去探媽媽, 可以用嚟做手信.


今次落咗兩款平時好少落嘅配料....估吓係咩.....蓮藕同節瓜呀....刨咗絲認唔到係咪.

 
仲有西芹絲

  
紅蘿蔔絲

  
 仲有黑木耳

 
 整呢個餸好開心, 的配料唔同顏色好靚.  如果要配合五行飲食, 咁就自選喜歡嘅配料.   我好想用沙葛架, 但又見唔啱有沙葛賣, 又話煮加白蘿蔔都好好味架!

 
 先將所有配料炒熟及調味

 
初時以為有好多, 但炒起好似好少咁. 分開四份, 用碟分開可以令的配料快的涼, 太熱包唔到架.每一碟又再分四份, 我要包16件呀!

 
 跟著用濕包抺吓的腐皮, 將圓形的腐皮一開四, 我有四塊腐皮, 共16件.  
 
 平時我會先調個汁(老抽,生抽, 糖, 水及麻油) 先將腐皮上色, 令腐皮更好味.  包好即食就幾好, 但如果放入冰箱冷藏, 會覺得鹹咗, 今次都係唔上色啦.

 
 好快就包好啦.  跟著放入蒸爐蒸10分鐘.

 
蒸好待涼再包裝.

每三件一包.   另外再獨立包開四件比媽媽.

每次整呢的做手信, 媽媽都好開心架.