Pho Tai 牛肉粉專門店

October 18, 2014, Saturday

上次去Ocean Three 長沙灣買野, 見到整座億利工業大廈有好多間樓上食肆, 諗著搵日出嚟試吓.  今早出開美孚, 型爸就提議去呢道搵食, 我當然無異議啦.

 
哈哈,  車泊停車埸(無免費泊車), 一行出嚟, 都未行入去工業大廈, 見到有間食肆, 嗰樣都幾企理

 
睇吓放喺門口嘅餐牌, 原來食越南野, 都好喎.

  
星期六嘅一點幾, 行入去即刻有位

呢間叫PHO TAI 牛肉粉專門店

有好幾間分店喎.  午餐大多是五十幾文

咦, 飲品是礶裝, 唔係用汽水機打的.

我要了牛肉撈檬粉, 的魚露汁調得好好味呀!

型爸要了咖哩魚...食落外脆內軟, 原來係九肚魚嚟架.

另外再要了一客粉卷.

兩個人要三樣野已經好豐富. 百幾文都算幾經濟.

食完開車去青衣探媽媽, 媽媽身體尚算ok, 但活動能力就差咗好多, 大部份時間都係瞓覺.

探完媽媽我地由大帽山去新界北...哈哈, 型爸又話去農場鮮奶食甜品...又好啫.

不過今日失望呀, 三點幾就已經無熱燉奶, 只有凍.  咁嚟到唔通唔食咩, 凍都食啦...一的都唔好味, 凍咗就唔滑.  下次無熱燉奶, 寧願唔食, 又或者要薑汁撞奶就算啦.

好唔好食都咗一碗返去比二公子, 佢晚通宵, 今早九點幾先返到嚟瞓,呢個時候, 應該醒啦.