再試舊墟茶居

October 25, 2014, Saturday

 今晚點解唔使煮飯, 因為又約咗的鄰居出外食晚飯.

Mrs Kua的女兒快要出嫁, 佢地下星期要飛美國, 我地今晚出嚟同佢地餞行兼慶祝.

上次我地同林老闆嚟過粉嶺舊墟茶居, 唔使等位, 地方乾乾淨淨, 食物唔差.  我地住得偏遠, 去邊食飯都係要開車, 但最怕要等位, 呢道打電話嚟訂, 又唔使等位, 最佳選擇.


呢道有降意龍十八味, 降龍嘅意思係龍躉,有十分款煮法.

 
我地九位, 見到個套餐幾抵食, 一圍食唔哂, 要了半圍.


半圍一定唔夠食, 個餐無包燒鵝, 我地加了半隻燒鵝


而套餐有半隻堂剪乳豬

金湯脆皮廣島蠔, 用鹹蛋黃嚟整, 又幾好味喎.

魚湯單耳浸時菜

金蒜鮮竹龍躉片

貴妃雞半隻

一鍋雞絲海皇翅, 份量好夠, 有九碗

古法炆頭腩

仲有富貴明蝦球.

 
另外我地再加了一個天麻龍躉頭骨湯

最開心係仲有紅棗粒糕呀!

個餐包咗6礶汽水, 我地另外叫了幾礶啤酒.

埋單HK$1,450, 平均每位HK$160, 以晚飯嚟講, 算係好平啦.

食完大家返去五號屋繼續傾謁飲野, 我煲咗勁薑蕃薯糖呀!