第五次大閘蟹

November 9, 2014, Sunday

數數手指, 今年究竟食咗幾多次大閘蟹, 計吓計吓, 連埋今日, 應該係第五次.

林老闆昨天朋友又送咗的大閘蟹比佢, 但我地星期五先啱啱食完, 所以佢都繼續邀請我地食火鍋.  直到食完飯, 先再同我地講今天又有大閘蟹食.

 

今次有十隻, 再加埋八號部屋星期五留咗兩隻, 共有十二隻, 兩款蟹產地不一樣.  佢話我屋企的 "架撐"齊的, 拎嚟我屋企蒸.  咁當然無所謂啦.   Cindy仲好開心添, 如果唔係我地又唔响屋企食晚飯(連續三晚), 佢好失落架.

今日有的特別, 我用免油烤鍋焗薯咗的粗薯條.  比佢做餐前小食.   不過一去我屋企, 我又忙到氹氹轉, 咩想都唔記得影啦.

的蟹蒸好啦.

都仲係好多膏, 不過的蟹餓咗兩日, 的肉削咗的啦.

我都話我呢酲紹興酒好快又出場啦.   不過今日狀態唔好, 飲咗少少.


林太又買咗水餃, 哈哈, 今日林老闆佢地出料, 由我出力.

不過明天要返工, 今日要早食早收工.

今年食大閘蟹食到夠哂皮啦....應該無人再送路啩!