林家火鍋

October 17, 2014, Saturday night

下午返到屋企, 唔知點解有的頭重重, 唔通焗充親?   即刻要眠一眠休息吓先得. 

哈哈, 咁輕鬆可以眠一眠?   係呀, 今日真係好開心, 午餐唔使煮, 晚餐都唔使煮.   林老闆邀請我地晚上去佢屋企火鍋.  哈哈, 有來有往, 幾開心呀!

下午瞓咗個幾鐘, 個人精神的.

 
七點三去到林家, 佢地已經預備好鍋底啦.

今晚得我地四個人,  自從林家大公子二小姐去咗英國,  我地同林家要常常合埋一齊打邊爐, 咁樣買野都容易的.    至於林小B, 佢唔會坐埋嚟食啦, 傭人姐姐已另外煮飯比佢食..

林都闆真客氣,知型爸鍾意食魚,買咗的鬚眉返嚟, 成二十文一兩呀!

我地無以為報, 淨係帶咗呢的三文魚子, 仲有一支威士忌.

食到咁上下, 八號部屋同三號部屋又過嚟傾謁....又一個開心的晚上.

Cindy好似仲開心, 我話佢知今晚唔使煮飯時, 佢笑得幾開心呀!

不過明天就一家要煮啦...林老闆話明天又要嚟我屋企食煲仔飯呀!