漸入佳境!

November 06 - 13, 2014

自從用了"略為強迫"的方法, 真係有效, Cindy卒之都知道, 晚餐係由佢負責而唔係我.  雖然係咁, 但我都無可能完全唔理, 盡量出口而唔出手.

November 06, 2014, Thursday

土魷剁用餅, 我只係.  佢剁好, 我教佢調味.

煎魚完全唔使再教, 佢已經識得用鹽回略醃再煎.

哈哈, 只係蓮藕湯唔記得落鱆魚, 但無所謂啦, 有五色弄, 的湯一樣好飲.

November 10, 2014, Monday

個工人有無心煮食, 好睇佢有無主動要煮的新餸...呢! 今日就有啦.

  
我初時都唔知係咩嚟架.  原來係茄子炒蛋.   佢話係緬甸style.   睇落唔靚, 但食落都ok.   茄子真係百搭, 原來咁煮都一樣好食.

  
蒜頭豆豉豆卜蒸排骨, 係Cindy最鐘意整嘅其中一樣餸, 好簡單, 調好味一蒸就得

  
炒西生菜

粟米紅蘿蔔蕃茄薯仔煲魚湯

呢餐我無教佢, 全部都係佢一手一腳煮出嚟架.   讚!

 November 11, 2014, Tuesday


之前已經教佢煮過一次, 今次佢自已炆柱候牛筋腩, 味道差咁的, 但都ok 啦.

 
 亦都教佢慳家, 煲完湯嘅蓮藕可以撈起, 用南乳炆番又多一碟餸.

食完大閘蟹, 拆咗好多蟹肉放咗入冰箱, 佢識得用嚟炒蛋啦.

辣炒椰菜

南北杏雪耳木瓜湯.

咁都整咗四餸一湯, 算係咁啦.

November 12, 2014,Wednesday

哈哈, 剛啱先讚完, 但的工人姐姐係唔識轉膊架.  型爸唔返屋企食晚飯, 本來我同Cindy兩個人就無咩所謂, 但二公子同佢女朋友一齊返嚟, 咁點可以唔煮呢.

我返到屋企, 見到佢只係得兩碟舊餸同煲咗個湯, 咩都無整....唉, 又要我諗諗計.

 
呢碟柱候牛腩昨天食咗一半,今日仲有一半.

 
碟椰菜又係昨天剩下的一半.

 
好彩我之前浸咗黑木耳, 即整個涼拌黑木耳

雪櫃有一包二公子好喜歡的仿鮑片, 解凍就食得

雪耳螺頭湯

咁樣整番幾餸一湯, 都無咁肉酸吖.

不過我一句都無話佢呀, 已經係事實, 話都無用.  我即加兩碟餸, 佢領會到架啦.

November 13, 2014 Thursday

昨天Cindy無預備的餸, 我知二公子今晚又會返嚟食, 我一早吩咐佢煮的咩,  咁佢就無得"偷雞"啦.

 
要佢先釀好的豆卜, 我返嚟一炸就得.

 
呢碟咖喱雞係佢煮架, 煮得唔錯.  原來緬甸煮咖哩唔需要加椰奶, 但味道一樣好.   讚!

 

哈哈, 我要佢用鮮腐竹, 其實唔需要落粉絲墊底, 不過落咗又無妨嘅.

白焯韮菜花, 加蠔油


哈哈, 我昨天整了涼拌黑木耳, 見煲湯有的雪耳, 撈起今日又涼拌一吓.   呢的雪耳腍的, 無木耳咁爽口.

節瓜鹹蛋肉片湯

攪吓攪吓, 變咗五餸一湯.

而家就算我唔返屋企食晚飯, 都唔使心掛掛, Cindy開始攪得掂啦.

嚟咗兩個幾月有咁嘅成績, 算係咁啦.