白松露白汁辣肉腸意粉

June 5, 2015, Friday Night

平時Friday night 我地都會出去食晚飯 (因為Cindy放假).   但今日放工回家, 雨下得太大, 大到由泊車位行返入屋都已經濕哂, 完全唔想再行出去.   唔出去食就唯有諗諗屋企整的咩野快靚正啦.

煮意粉其實真係好快, 只要滾水落鹽, 煮5分鐘再焗8分鐘就可以撈起.

打開雪櫃見到呢包辣腸, 就呢樣啦.  三個人五條腸夠啦. (哈, 型爸話佢一個人要食兩條, 我話切片之後你鍾意食幾多就幾多啦).

煮意粉好快, 但最重要係個汁

用牛油起鑊

加奶

加白松露醬

我唔想的汁太稠, 唔加麵粉, 加了兩三片芝士, 再加埋的腸落去煮, 煮滾的汁就得.

跟著將的汁撈落的意粉, 撈幾撈就會感覺的汁濃的, 因為芝士變稠, 雖然只有辣肉腸, 但的汁好好味, 再加的黑胡椒就perfect 啦.

食食吓Cindy返到嚟, 叫佢食的意粉, 佢好高興話有的野比我地食.  佢有鄉理從緬甸回來, 帶咗的食物比佢.

佢整咗的類以前响 A touch of spice 食過(好早期, 近來已經無呢款菜on menu, 再加上的食物水準差咗好多, 我地有排都唔會再去), 叫民間小食, 用一塊芝麻葉的包著嚟食.    今次Cindy整比我地入面有蝦米, 花生, 蠶豆, 茶葉, 芝麻, 再加上蒜片同蕃茄, 佢教我地撈埋嚟食就得.   哈哈, 如果再加的辣椒, 用芝麻葉或生菜包嚟食更好味.

另外仲有一碟炸脆了好似鳳尾魚的東西, 要嚟送酒就啱, 兩款都幾好味.

本來我地淨食意粉, 現在生色不少.