涼拌預演

Jun 13, 2015, Saturday

昨晚同鄰居預慶父親節, 本來諗著整兩款涼拌菜, 但得到他們體諒我要返工唔使整.  但配料有响到, 木耳又已經浸咗, 茄子又有, 點都要煮架啦.   星期日下午有聚餐要煲粥, 不如就整埋呢兩款涼拌菜.   涼拌木耳整過好多次, 但涼拌茄子就第一次整, 今日不如先嚟個預演.

三條茄子放落水煮了六分鐘, 待涼之後放入雪櫃雪凍

晚上食時, 只取了一條, 切成條狀, 加上日式麻醬, 最後灑上芝麻.   味道唔錯, 好清新, 茄子好甜, 但我略嫌茄子唔夠腍(可能呢款茄子好實淨).   剩下的兩條, 我會再煮多幾分鍾, 等的茄子肉腍的, 會更好味.

呢碟陳醋木耳就無問題啦.  木耳浸開之後煮五分鐘, 用冰水浸, 夠唒爽呀!.  醬汁用了意大利陳醋加少許糖再加豆瓣醬拌勻,  好味.

今餐仲有金菇牛肉卷

 

炒菜心

  
哈哈, 今日型爸陪我買餸, 見到的滷味好想食, 咁就買一盒啦.

呢餐攪吓攪吓又好豐富.

啊, 仲有個榴槤囊蟲草花竹絲雞瘦肉湯....上次煲完一次覺得好正,  加上用個萬能煲, 真係好easy.  今個星期又煲 (哈哈, 咁即係話我又買咗(兼食咗)一個榴槤啦...)