金菇牛肉卷

May 25, 2015, Monday, 佛誕假期

今日心情靚, 煲咗個靚湯,都要諗吓整咩餸.

二公子想食肥牛,  就整金菇肥牛卷啦.  都好耐無整過啦.

一包金菇已經夠啦.

買肥牛時, 揀咗的肥少少嘅加拿大肥牛.  包著的金菇, 煎起時迫咗的油出嚟, 用肥牛本身的油嚟煎.

的肥牛可以加的黑胡椒鹽調味, 唔落都得, 因為都會整個黑椒汁嚟煮.

肥牛太長, 我剪成兩段, 唔使包咁厚, 一煎快熟, 如果包得太厚, 中間就比較難煎熟.

薄的牛肉, 亦都唔使包咁多金菇. 煎好一啖一件, 好正架!

平底鑊唔使加咁多油, 只需少少油, 一煎的肥牛油出哂嚟.  煎好盛起

跟著煮個黑椒汁, 將的金菇牛肉回鑊一煮...攪擔啦.

 一磅肥牛加一包金菇, 整到大大碟, 一啖一件.  二公子讚好好味呀!