I-cafe 重量級魚柳漢堡

May 28, 2015, Thursday
 
上星期咪介紹過I-Cafe嘅重量級魚柳漢堡....今日又嚟.....

  係呀! 忍唔著呀!  又係星期四.  好想再食.  今次唔係豬仔包, 係漢堡包啦.

今次份餐仲配埋一客鮮果沙律.   

 
 到我飲完餐湯, 食埋個鮮果沙律就開結有的發呆....因為已經開始覺得飽.

當我想將塊大魚柳切開時, 跟著又唔知點好咁望著隻碟發呆, 坐我對面搭檯位女士多口講(佢之前見到份餐送嚟時已經話, 嘩, 咁大份點食得哂), 如果佢係我就會將魚柳切一半, 將魚柳漢堡打包,  淨係食半塊魚同的沙律菜......又係喎, 咁都諗唔到....即刻多謝佢提點....如果唔係, 可能我會食一半掉一半, 一係夾硬食埋佢.

 
結果我食咗呢半塊魚柳同的菜, 加埋之前飲咗餐湯, 食咗鮮果湯律...最後飲埋杯好立克, 勁飽.

至於個魚柳漢堡, 我打包返去比型爸食.

HK$55又食又拎, 好抵又好味呀!

下次嚟, 都係要咁先攪得掂呀!