鮑魚竹絲雞燉嚮螺湯

May 25, 2015, Monday, 佛誕假期

今日心情好靚, 又有煮意, 要煲番個靚湯呀!

 
叫鄰居幫我們訂了幾隻大鮑魚, 真係好大隻架...咁單一隻影出嚟就唔覺有幾大

但一拍埋隻竹絲雞就知有幾大啦.

再加多大半斤瘦肉

哈哈, 仲唔夠, 我再加多一磅美國嚮螺頭

我唔係煲湯, 係燉湯, 將所有配料汆水 (鮑魚除外), 加幾片薑, 放哂落個大康寧煲. 加蓋落鑊, 明火燉了三小時.

 
燉好後就係咁啦....的湯幾濃! 但濃得嚟又好清甜.   飲時加少少鹽吊起的味.....正呀!

撈起哂的湯料(睇吓隻鮑魚都仲係好大隻, 唔係縮咗好多咋), 呢煲湯夠我地飲兩餐呀.

哈哈, 呢煲燉湯成本唔平, 但可以飲兩餐平均咗就抵好多啦.