預慶父親節

June 12, 2015, Friday

講起父親節同母親節, 好多人都有的偏心, 母親節都要預排飯宴, 但父親節就比較清淨.

我的父親及老爺一早已經仙遊, 無需張羅.  咁我心中最重要的爸爸當然係型爸啦.

自從搬咗嚟呢個屋苑, 都會幾家一齊慶祝父親節, 但今年有兩家好友要外遊, 趁機同佢地預早慶祝, 咁又食多一餐.

星期六日時間難以相就, 結果改為星期五.   但我要返工, Cindy又放假, 真係整唔到咩野, 唯有整涼拌菜啦, 但鄰居叫咩都唔使整(話我平時整得多), 早的放工返嚟就得啦.

當我放工開車回家, 型爸已經到了鄰居屋企, 仲Whatsapp的相比我睇

有烏魚子

仲有煙薰觧魷呀!     哈哈, 咁係會令我開車分心架.

到我返到屋企, 都要餵埋Loki先得架, 佢係咁嗚嗚嗚, 我要安撫佢呀!

 

到我去到, 烏魚子已經食哂, 只係剩番半隻煙薰解魷咋

雖然無煮野食, 我都帶了盒腰果餅同兩枝果酒去, 一家唔會空手去啦.

未坐定, 佢地已經叫我呢枝酒一家要影, Grand Cru Classe, 五大酒莊出品, Mrs Kua訂嘅, HK$1,700一枝, 100分嘅酒.   如果在外面飲, 一定要幾千文一枝/

但未飲得著喎, 要等, 要透夠氣先得....我地飲著第二的先

林老闆去季季紅訂咗隻有米豬

 
剪開有兩大碟

 
呢碟就係豬入面碟炒飯, 今次又幾好喎, 一的都唔肥膩

因為呢隻有米豬, 其他嘅餸都係以清淡為主.

八號屋煮了清蒸茄子

芹菜蘿蔔

Mrs Kua整了鮮蝦萵筍

煙三文魚

涼拌木耳

林太煎了蠔蛋

瑤柱炆草菇

非常豐富呀!

唔止食物豐富, 的酒都好豐富

先開香檳送小食

跟著開一枝Burgundy 紅酒

飲到咁上下, 就輪到嗰枝透咗好耐100分嘅酒.  八號部屋女主人好認真, 飲每一款酒都要用唔同嘅杯.  連產地唔同嘅紅酒, 都要用不同嘅酒杯.   就只有佢屋企, 先有咁多款唔同嘅酒杯.

唔比較由自可, 一比較, 呢枝100分嘅酒, 梗係好飲好多啦.

平時我飲紅酒, 好多時都會頭痛, 因某些酒入面單寧太重.  上次去Pessi Bistro, 一飲完就開始頭痛.  哈哈, 但响八號屋飲嘅酒, 我未試過頭痛呀!

食完晚飯飲完, 就輪到我帶嚟嘅餐後果酒出場啦...呢枝酒上次响一田買, 係法國出品, 叫接骨木花酒(Elderflower), 花味好香, 上次一試, 不能不買.  哈哈, 又用唔同嘅酒杯飲呀!  餐後酒, 甜甜地...爽.

跟著問八號屋用咩野木嚟煙薰, 佢show比我睇呢的木, 佢話响加拿大買好平呀....等我下次入的貨, 整的煙薰菜式先得啦.

跟著又係小食時間.


叮叮叮叮....八號部屋男主人返嚟......又有兩箱紅酒...哈哈, 嚟八號屋, 點會無好酒飲呢!