I-cafe 重量級魚柳漢堡

May 21, 2015, Thursday

其實久唔久我地都有去I-cafe食晏, 不過前一排覺得的食物質數差咗無去, 呢排好番的, 跟著人又多番, 要排隊.

 

今日見到個餐牌, 有幾款都啱食, 咁就等啦....

見到有個I-cafe重量級魚柳漢堡, 好想試呀,  侍應話要預留, 咁梗係留啦....雖然未有位.  

唔使5分鐘話比我聽, 漢堡包賣哂, 改豬仔包得唔得.....得, 我鐘意豬仔包多過漢堡包添.   炸薯角要等好耐,配沙律好唔好?   好, 無問題.

登..登..登..登....我今日淨係介紹呢個得啦,  睇吓勁大塊魚柳.....見到已經開心, 食落仲開心, 因為的魚好滑呀!

我記得以前去Sticky Finger食Fish & Chip, 嗰塊魚柳好好味, 今日食呢執魚柳, 的好味感覺番哂嚟, 勁開心呀!   其實我今日係同麻煩鬼share兩份餐嚟食, 呢道嘅豬扒都整得好好味架.   不過呢個勁量魚柳包食得我地好開心呀!   雖然等得耐, 但都抵呀!

下次再有呢個餐, 我一定叫.