父親節行山樂

June 21, 2015, Sunday, 父親節

五月份的母親節, 行山組的幾位女士都話要休息一天.  今天父親節, group chat各位組員, 點知幾位父親都話搵唔到一個理由唔去行山.

哈哈, 咁大家一早高高興興出發啦.


夏天呢幾個月都唔使諗, 應該大部份時間都會行大埔滘林徑, 因為樹木林蔭唔曬, 天氣雖熱, 但行得舒服的.

連續行咗幾個星期, 藍, 啡, 藍+紅, 今日就調轉紅+藍

 
呢道只有入口處有洗手間, 要去就好去啦.   如果唔係就要兩個幾鐘頭後返轉頭先有得再去.   不過通常回程時出哂汗都無需要去洗手間啦.

紅路係四條路徑中最多人行的一條, 全程大概一小時, 好多人帶埋狗狗一齊行.   行吓見到呢的標示.  原來晚上可以來睇螢火蟲.

我地只係顧著行, 都無留意的林鳥生態.

呢個水澗, 就係上次見到好多家長帶的小朋友嚟玩水

亦都有標示危險, 但唔知點解的家長都仲係比的小朋友咁樣落水玩.

原來仲有好多不同樹葉&種子.

哈哈, 我地都只係不斷行行行, 都無留意咁多呀!

唔知點解行完紅路差唔多用了70分鐘.   剛去到休息亭就開始落大雨.   但係我地無諗過唔行呀, 馬上再行藍路, 又行多個幾鐘.   兩段紅路加藍路都只係行咗兩個半小時.   

今日食lunch我地要分開呀, 組長同佢太太要同家人一齊慶祝父親節, 資深領隊又要同女兒去飲茶.   剩低我地三對couples 加一個美少女, 一齊去粉錦公路榮昌食的野.


男士都係鐘意有飯落肚, 都叫埋的客家豬肉飯, 豬扒飯


我同美少女叫咗一個豬扒包+碎蛋牛角包share嚟食.

                  佢要酸梅冰, 我要綠茶雪糕紅豆冰....好味呀!

跟著要咗4隻乳鴿, 每人半隻.   不過今日的乳鴿有的油益味....嘩, 的千年油要換啦.

埋單每人HK$90.

哈哈, 我地唔止一齊食晏, 今晚又會見, 因為又攪咗個父親節聚餐呀!