渥日本料理

August 11, 2015, Tuesday

今日好朋友加保險經紀請我食午飯.   哈哈,  呢個約會等咗足一年.   每年近我生日, 佢都會約我食飯, 點知去年佢跌親隻手, 攪咗幾個用, 跟著過年時又再約, 最終都係唔成事.

今次約到啦.

 

 訂咗渥日本料理食鐵板燒

訂咗一點鐘, 朋友未到我先入座, 所有鐵板燒位已滿, 鐵板上燒的食物, 是鄰韓國人一家五口.  數數我們這鐵板燒檯坐了九個客人

雖然每人一個位, 但感覺上好迫, 有的焗添

朋友到, 佢強力推介A餐, 佢話好抵食.   A, B餐HK$138一位.  C餐HK$288一位, 我都無留意A,Ｂ餐有咩分別，淨係見到Ｃ餐有牛肉薄燒，但朋友請客，佢話Ａ餐抵食，咁就叫Ａ餐啦。

叫咗野之後，就出去自助沙律吧

 

呢道無限制攞幾多次沙律，但食得幾多吖，攞一次已經好夠。

我地食緊沙律，廚師仍炒緊麵，飯及野菜。

其他七位客人的野炒完，卒之到我地啦。大蝦及三文魚

份量又幾多喎，每人三隻蝦

每人一年三文魚

牛扒嘅份量同魚差唔多，未食牛肉已經開始飽

牛肉即煎，但上面嘅煎片就一早炸定。

跟著仲有炒麵

跟著炒埋的野菜，我的牛肉都食唔哂

差的唔記得咗個麵豉湯

跟著自助咖啡

到我地差不多食完，其他客人都走哂啦。　咁就有機會影吓相。　呢道有兩張鐵板燒檯，大約可坐18人吧。 如果唔食鐵板燒，可以坐入面，咁就無咁多油煙。

 

見到佢地牆上貼咗客人嘅合照。

咁其實又幾抵食嘅，HK$138, 埋單HK$276, 無加一。　同的大食男嚟就啱啦，唔要麵要炒飯，一定食到飽飽。

如果同型爸嚟，我估佢一定要HK$288個餐，因為有牛肉薄燒.