August 15, 2015, Sunday
呢個星期不停落雨, 仲有雷暴, 昨天都唔敢肯定今天可唔可以行山, 但天公做美, 一早無落雨, 地下有點乾, 組長通知照行, 不過我地都帶備長傘, 用嚟做行山仗又可以遮大陽及擋雨. 副組長夫婦去了旅行, 今天只有五人行山.
一去到南涌觀音廟又要影張相, 呢道真係好靚, 見到都覺得心曠神怡.
呢道嘅觀音廟/天后廟提過好多次, 但呢道都有間龍王廟就次次都唔記得提吓. 其實就喺觀音廟/天后廟下面, 只要行條樓梯就到.
呢間龍王廟就起喺岸邊
門口有副對聯
廟入面有五位龍王
龍王廟前面有石檯可櫈, 還有石貢杯
入廟拜神, 跟著我地開始行啦.
車泊在雞谷樹下的公共停車位, 跟著我們向發記士多方向行
去到發記士多, 有好多電單車停在那裡....好嘈呀! 那些男士在高談闊論... 附近嘅市民居真係慘, 都只係八點幾, 實比佢地嘈醒.
唉吔, 幾個月無嚟, 做咩封哂路, 應該又起屋呀!
又經過呢間雞谷樹下一號大宅, 必經之路呀!
的水位漲咗好多
呢個時候又開始雨粉粉, 要打傘了. 不過今日行嘅都係呢的石路, 都好安全嘅.
由鳳坑去谷埔
呢段路其實無難道, 上149級可級
呢排落雨, 的草都生到好高
跟著要落130級樓梯...行完呢段, 全部都係平路.
沿著海邊的紅樹林
個天灰濛濛, 還好雨不是很大, 亦沒有行雷.
哈哈, 好快便到松記, 行了不到一小時...今天行得好快呀!
雨停了, 天色有點明朗, 但天文台預告會有雷暴, 我地唔休息, 回程啦.
經過蘭桂騰芳
鳳坑村
再由發記士多行回泊車處....整個行程都只是行了一小時五十分. 哈哈, 我地嘅體能真係好咗好多呀! 以前要行兩個半小時至三個小時. 今日無需休息, 步伐又快咗....勁呀!
行完又去陳鳳記食個Brunch
又熱又渴, 先嚟杯凍奶茶
老闆娘又送上自家製的菠蘿果醬
組長太太要的即的all day breakfast
組長要了餐多麵
我同型爸都要了all day breakfast, 不過唔到茄汁豆
陶媽要了切雞米.
到我地食完埋單...咦! 點解人地叫的all day breakfast有蕃茄, 我地的無嘅....蝕...都食完啦, 唔通問佢要番三份蕃茄吖.
好似未試過咁早, 返到屋企都未夠十二點.
唉吔, 幾個月無嚟, 做咩封哂路, 應該又起屋呀!
沒有留言:
張貼留言