Tap - The Ale Project

August 12, 2015, Wednesday

兩星期前去旺角旅行社換回鄉證，今日就可以去攞證。　咁啱二公子又放假要去觀塘攞野，型爸話不如一齊食晏，仲可以開車接我去攞證，嘩，好開心啦.

型爸知我要去旺角山東街，佢話旺角黑布街有間餐廳幾特別，一齊去試吓。　我十二點離開公司，型爸讓我落車去旺角旅行社，跟著佢地去泊位再去餐廳，我攞證之後就自己去餐廳搵佢地。

點知今日好多人攞證，排隊等咗半個鐘先攞到。由旺角旅行社行去黑布街都只係十分八分鐘，中午時份，好曬呀！　每次經過旺角都覺得比其他區熱的又曬的。


搵到啦，間餐廳叫Tap - The Ale Project


門外有個牌寫著Sour-Dough Sanwich+Soup, Salad or Fries.  聽講呢道的麵包係自家製架。


入到去除咗型爸同二公子之外，只有一個客人。　我諗未到一點，一陣應該多的人啩。


吧檯後牆上，全部都係的tap, 的tap駁著每款不同口味嘅啤酒。　呢道嘅啤酒，全部香港製造。


型爸先叫了一客芝士波，一客有三個波，佢地留番一個比我。


 時間啱啱好，份芝士波啱啱送到，仲係好熱。义開嚟睇，入面係芝士通粉，可以加的特製茄醬嚟食。味道都ok架。


二公子要了一杯氮氣咖啡，我覺得唔好飲，無咖啡香味. 要HK$50一杯


型爸要了一杯Yellow Mare Pint，甘甘苦苦咁，我唔like呀。仲要HK$70一杯。


杯上面都印咗餐廳嘅logo,　每個杯墊都所咗的不同語句。


的飲品太特別，唔啱口味，都係要的普通的嘅青檸梳打。



研究咗一輪個menu, 叫三款不同嘅set lunch


三式芝士麵包，可以要half portion 或 full portion, 型爸要了full portion, 再加HK$20要了薯條及飲品，HK$94. 


 跟著呢份叫Cubano, 燒肉包，又係full portion ，　另加HK$20薯條+飲品。HK$102.　個包幾脆，味道都ok, 但我地鐘意triple cheese多的。

最後一個係Chichen Wrap, 中文係口水雞包，我地都係要full portion, HK$20要了餐湯及飲品。　HK$94.  食落真係有的口水雞味，少少辣，有花生，但呢個包反而唔係咁好食。

呢餐食咗HK$510, 都幾貴呀。　唔怪得之無人幫襯（除咗我地之外都無其他客人），咁嘅價錢响呢區唔掂啦。的啤酒咁貴，唔係人人接受，最敝又唔係咁好飲。　就算覺得特別，試咗一餐之後，下次都未必再嚟。　希望佢夜晚生意好的啦，唔係點預得著的租呀！

再者附近咁多食肆，對面有間韓國安東元祖奶奶雞，行過兩間又日本餐廳（我見日本餐廳都幾好生意）

同一條街五六間食肆，經過見到都幾多客人，Tape 在街尾，無咩人幫襯。　做生意曲高和寡，要在市場突圍都有的難度。