黃金海鮮燴冬瓜

August 15, 2015, Saturday

先幾日林老闆拎咗好大嚿冬瓜過嚟, 好似話係國內廠入面的工人自家種, 成個好大個, 切咗一大嚿比我.

已經用咗的煲冬瓜粒湯, 今日用嚟做餸呀!  好耐無整過黃金海鮮扒冬瓜, 好想食呀!


叫Cindy幫我將的冬瓜切粒, 蒸8分鐘.   哈哈, 點知佢食飯前兩個鐘就蒸, 咁到食飯時間的冬瓜已經凍哂, 無理由翻蒸的冬瓜, 咁唯有用的汁嚟燴的冬瓜啦.

 
 蒸冬瓜時蒸熟三個鹹蛋皇, 將熟了的鹹多皇壓成蓉.

另外預備了幾款海鮮, 有魷魚, 蜆肉, 帶子同蝦(全部都係急凍海鮮), 用蒜蓉起鑊, 加海鮮, 再加胡椒粉及少許鹽.

炒好上碟備用

落油爆香鹹蛋皇至起泡, 加入海鮮兜炒, 平時會炒好海鮮後馬上加上冬瓜水煮個汁,  但今日要加埋冬瓜一齊燴就要改一改煮法.

先用冬瓜水加雞湯, 加糖, 加生粉, 加一隻鹹蛋白拌勻

將的黃金海鮮推埋一邊, 冬瓜落鑊, 加己調味的冬瓜水將冬瓜先煮一煮

最後將黃金海鮮及冬瓜一起拌炒

煮好啦.  的冬瓜好入味...正呀!

今晚仲有煎豬扒

蝦醬通菜

 
青紅蘿蔔南北杏雞腳瘦肉湯

三餸一湯.

睇吓呢隻碟就知幾好味, 連平時唔係咁鍾意食冬瓜嘅二公子都食咗好多.   Cindy話真係好好味.

食完仲有節目呀!  我地去八號屋商討下星期一嘅行程

男士飲whisky

女主人拎咗幾款日本清酒比我地試.   個酒杯好靚呀!

飲吓傾吓, 十一點半先走.  

今日係咁落雨, 明天唔知有無機會行山, 真係要睇天做人啦, 不過都要返去執定野.