尖東好彩酒家

August 21, 2015, Friday

上星期舊秘書小組打電話嚟約我食飯, 諗著同我慶祝生日.  但因為連續幾天約咗朋友, 延到今天先同佢食.

 
秘書小姐話好彩的點心幾好食, 佢訂位. 約埋慢麼麼同麻煩鬼.   點知麻煩鬼突然要上大陸, 咁我地三個食啦.

 

舊秘書小姐點菜... 今日點得非常好, 都係以2.5嘅原則

我地三個人, 3 x 2.5 = 7.5.   即係唔好叫多過八樣野.

呢道的點心真係幾好食, 咁當然就貴的啦....埋單HK$337.

只實我今日食咩都無所謂, 最重要係佢有心....仲帶埋B囡出嚟.

 唔覺唔覺, B囡己經6個幾月大, 識自己坐.  佢好得意呀.   食母乳, 肥嘟嘟, 有米芝蓮腿....令我好肉緊想咬佢.   今日表現好好, 一同佢玩就笑, 我比佢溶化.  

未經佢媽媽同意, 我要post佢張相, 可惜未能捕捉佢笑得最燦爛嗰刻 (哈哈, 因為忙著同佢玩嚶咕咕同點蟲蟲呀!)