新曼谷餐廳

July 29, 2015, Wednesday

昨天去老北京食餃子時, 都諗起好耐無去新曼谷餐廳 (新曼谷在寶勒巷萬事昌1/F., 老北京在2/F., 而金田在3/F).   而在呢三間食肆對面嘅餐廳, 全部唔知係執笠定係搬咗(包括1/F 漁屋日本料理).

咁我地今日嚟新曼谷幫襯吓.   呢間唔使驚佢執笠, 見佢地好好生意, 嚟親都坐滿.   呢道價錢大眾化, 又包飲品, 好多人捧埸.  可以叫泰式飯堂. 

麻煩鬼無飯癮要了札肉湯河, HK$33

 
慢麼麼要了豬頸肉飯 HK$40

我平時都係食粉麵, 但今日唔知點解好肚餓, 好想食海南雞飯.  呢道嘅海南雞飯唔係油飯, 英文寫著Coconut rice, 應該用咗黃薑粉整椰汁飯, 無油, 但亦無咩椰汁味.   咁樣我仲鍾意, 無咁肥膩(唔知係咪自己呃自己).    的雞就真係無咩味啦, 不過醮的泰式酸辣汁就變得好惹味兼好送飯.  呢碟飯好抵, HK$43


每人都有飲品一杯, 我同麻煩鬼要了椰汁紅豆冰, 慢麼麼要了龍眼冰.   平時呢杯飲品都要十幾文啦. 呢道午餐真係抵食.   久唔久要嚟支持吓, 千祁要頂著呀!(我諗呢道都好貴租)