自家泰菜

Jun 25, 2016, Saturday

上次整咗餐西式雀焗菜, 的雀友開心到不得了, (梗係, 佢地又食又拎梗係開心, 只係五號屋手瓜唔夠硬, 次次都輸比佢地).  今日又再比驚喜......

梗係, 今日聚會完畢, 要等個幾月先再見, 我放三星期假, 鄭媽媽又放兩星期......到時八月中先會再見...

哈哈,  今日整的好野比佢地食, 等佢地係咁掛著我.

先嚟個泰式生蝦

泰式煎魚餅

泰式肉鬆生菜包....的肉鬆入面加咗馬蹄, 紅蔥頭, 用魚露及檸檬汁調味.....同泰式餐廳的味道一樣....好好味呀!

仲有蝦醬通菜

無骨海南雞配油飯......呢味真係好殺食, 的油飯好好味, 佢地話怕肥都要食

仲有泰式焗烏頭...今日太忙, 條烏頭焗得有的過火,  我仲要响好熱時撕開錫紙, 攪到甩頭甩凹尾添.

仲有冬蔭公湯

五號屋的自家泰菜晚餐

買埋泰式甜品....

哈哈,  佢地唔掛著我點得吖....

呢餐型爸二公子都比咗好多likes, 型爸話個油飯好得呀....但咁多雞油, 我點敢成日煮吖.