Canada Trip - Day 2

July 1, 2016, Friday

Jet lag 嘅關係, 昨晚兩點醒一次, 四點醒一次, 六點又醒一次, 最終捱到七點, 真係要起身啦.   細細聲去整早餐, 但點都嘈醒大公子.

大公子本來問我地要唔要的郊遊或者運動, 去湖邊划艇....哈哈, 我同型爸話唔使啦, 周圍行吓食吓, 有靚牛扒就得.   遲幾日五哥五嫂到, 我地先一齊去玩啦.

早上十點出去同大公子女朋友的阿姨及姨丈飲茶, 飲完茶去行mall,  今日係加拿大國慶日, 周圍都咁多人, 多人到我都唔想行, 行一陣又去食lunch.

大公子話要我試吓呢間不一樣的漢堡包店

如果夠大食兼膽量, 可以試吓六分鐘內食唔食得哂呢個大漢堡包....哈哈, 我地自問就無呢個食量啦.

大公子要了幾款漢堡包, 仲有鵝肝松露漢堡 及鵝肝松露薯條.

哈哈, 我都係鍾意傳統漢堡包多的, 嗰的Fois Poutine嘅汁太鹹太濃味, 唔啱我呀!  不過唔食過又點知吖, 都係要多謝大公子嘅介紹.

呢餐漢堡包都唔平呀! C$102.17, 即HK$620.

食完又去貢超市, 睇吓布咩好買.

二公子話午餐唔啱口味, 晚餐就應用一定鍾意....

晚餐佢帶我地去咗呢間 The Keg Steak House

好彩一早訂咗位, 如果walk in, 肯定無位。因為今日係Friday night加上Canada Day, 點會唔多人吖。　外國人通常會先飲野再食晚飯。　但我地就先食晚飯唔飲野，大公子要開車，我地都係返屋企先飲。

 

 要了生菜沙律

 

 蒜蓉焗大蝦

 

 兩碗洋蔥湯

 

 兩隻大龍蝦

一客牛扒

好豐富呀！型爸就最開心啦，龍蝦牛扒都係佢嘅飛佛。

埋單C$198.88, 加15% service charge, 即係C$230.  即HK$1,380.  咁又唔貴喎，抵食過食漢堡包。　香港食呢個價錢都唔得啦。　兩飯活龍蝦，抵食呀！

哈哈，好似昨天一樣，返到屋企，沖好涼又嚟小食夜宵，睇香港電視劇，跟著再睇多套電影先瞓。爽呀！

希望今晚唔好起咁多次身啦。