父親節行山樂 - 愛心早餐 + 醉雞素麵午餐

Jun 19, 2016, Sunday Afternoon

昨天組長一早聯絡, 星期日父親節一定要行山, 但中午要去飲茶, 大家早的出發.

八點鐘出發, 攪到我晨咁早起身, 哈哈, 父親節都要做少少野架.

芝士火腿蛋愛心早餐

加埋杯靚咖啡就very good啦.   型爸好冧呀!

我自己嗰隻蛋就無咁靚....芝士火腿我就唔要啦.

先幾日都落雨, 今日天朗氣清, 唔行山又真係嘥咗的

天氣又曬又熱, 今日行大埔滘林徑, 唔曬, 時間又可以控制好的.

唔使一小時, 我地已經行完紅路, 去咗大休息亭

到我地再行完藍路, 都只係用了兩個小時多一點.

今天行完各自回家, 等大家都可以同父親飲餐茶....

我好開心呀! 我地唔想去飲茶, 我好掛著昨天整嘅醉雞


昨晚同林老闆出去食, 呢碟醉雞就留番今日.   我昨晚已經將浸醉雞的汁倒起, 唔比的雞浸得太耐, 浸得耐的雞肉會變苦架!

跟著煮兩碗素麵

整碟娃娃菜

今日午餐, 醉雞素麵

嘩, 的醉雞真係好好味呀.....型爸like, like, like, like, 佢食兩嚿又講一次, 比咗好多個likes呀!

成隻雞食唔哂, 留起一部份比二公子同佢女朋友.   哼, 二公子唔識欣賞, 但佢女朋友就讚到不得了, 又係超多likes呀!