手工肥皂作拌手禮

June 29, 2016, Wenesday

上個月秘書小姐送咗一嚿手工肥皂之後, 我就送佢一大瓶椰子油.    跟著我個腦就係咁轉....

我要去加拿大, 要見朋友, 哥哥嫂嫂, 姪媳姪女, 帶的咩野手信好呢.   食物湯包唔少得, 但都想有的小神物.  見到秘書小姐的手工肥皂咁精緻, 一於開口問佢肯唔肯幫我做一批作拌手禮, 佢一口應承呀!

佢話佢有一個珍珠配方,  有美白及保濕作用, 佢自己好喜歡, 可以幫我做.

嘩嘩嘩, 好開心啦!   馬上回家找來珍珠粉, 叫佢再需要咩野材料就話我知. 買咗要幾多錢就更加要話我知.

佢趁著五一假期就幫我整, 佢話做好之後要"梘"一至兩個月, 等的肥皂變硬熟成先可以用.  呢的梘處理得好, 可以keep好耐慢慢用呀!  五月初整到六月底我去加拿大時就啱啱熟成.   Timing very good!

秘書小姐話佢做嘅手工肥皂, 全部用手打, 無用打蛋器, 做出嚟嘅肥皂質地會靚好多.   呢的我唔識呀, 只要佢話好就得啦.

我叫秘書小姐整嘅時候影的相比我睇呀!
  

佢打好梘之後就要入模,  佢今次幫我做多的, 所以用咗兩個模

仲有四個係公仔模嚟架.

入好模之後就要放入保溫箱一至兩日, 先可以脫模

脫好模之後就可以切梘. 

切梘之後唔多唔少有的頭頭尾尾, 我叫佢幫我切細的, 可以做旅行裝

呢的就係已經切好嘅梘, 未用得著架, 跟著就要"晾梘"一至兩個月.   哈哈, 佢利用咗公司一間長年24小時都要開冷氣嘅房間, 溫度乾爽, 的梘就會熟成得好的.  熟成了先可以包裝

的梘熟成後, 秘書小組就開始幫我包裝. 呢的長方形就好容易包

呢幾個特別的嘅就要用有彈力嘅膠紙

反面貼咗成份及熟成日期.  寫就1年保存期, 其實可以keep好耐架.

 

我訂了起泡袋作為包裝袋, 咁收到禮物時, 佢地只要用個起泡袋搓件肥皂就會有好多泡泡啦.
呢的肥皂, 可以用來洗臉沐浴都可以.


用花紙摺成禮物袋, 呢的靚靚嘅拌手禮就攪掂啦.

真係物輕情義重, 除了要秘書小姐幫忙(多謝秘書小姐花了咁多手力心力和時間), 我都花咗唔少心機落去呀!

希望佢地喜歡啦....嘻嘻, 咁梗係留番一兩件比自己用啦.

其實自從用過的手工肥皂之後, 我已經好少買沐浴露了.   手工肥皂對皮膚很好, 用起泡棉搓揉之後, 的泡仲多過的沐浴露, 沖完覺得的皮膚乾淨很多, 沒有用沐浴露之後那仲滑滑的應覺.
冬天覺得皮膚乾咪沖完沖之後馬上塗的潤請霜....very nice 呀!

明天出發啦....好掛著大公子呀!