梧桐寨瀑布

Jun 26, 2016, Sunday

講咗行梧桐寨好多個星期, 但次次都落雨唔能夠成行, 今組長話我同型爸放假前, 好想同我地行一次.

昨晚打完麻雀, 佢地走時, 個天落緊雨....唔係呀, 又無得行....攪到成晚瞓得唔好, 心掛掛咁.

第二朝, 天朗氣清.....yeah, 準時出發...

開車到林錦公路, 泊低架車就開結行.

經過萬德苑, 沿路, 只有呢道有洗手間

四個瀑布, 今日最多只行三個

轉出萬德苑就見到呢條小瀑布, 但呢條小瀑布, 並不計算入四條瀑布之內

天氣真係好熱, 今日覺得好辛苦

一行山路, 全部都係石級, 行上去好索條呀!

由林錦公路行到呢個路標, 大約半小時

再行多大約半小時就到井或瀑,  唔知係咪氣壓低, 覺得好辛苦, 有的吃不消感覺

不過點辛苦, 我地都行到去中瀑

嚟到呢道, 的氣溫舒服好多, 不過實在太多人, 好似開嘉年華會....唔知呢道係味已經成為旅遊景點, 好多都係講國語, 真的係嘈吵, 我們坐著休息, 最後都忍受唔著, 早的離開.

我們幾位女士都覺得好辛苦, 無繼續行去第三瀑布, 只有組長及副組長兩個行去主瀑, 佢兩個都話好辛苦, 好彩我地無去.  哈哈, 不過有美女穿三點式泳衣, 眼睛有得食冰淇淋, 咁辛苦的都抵啦.

三十幾度高溫, 真係熱得好辛苦

大家都好攰, 唔知林錦呢邊有咩好野食, 結果去粉嶺樂斯, 大家叫個午餐就算啦.