Canada Trip - Day 5

July 4, 2016, Monday
 
嚟咗加拿大幾日, 最主要都係同大公子家庭樂, 周圍行吓食吓, 都己經好開心啦,  點都要同個仔住幾日嘅.

今日會搬去三家姊屋企, 佢同姊夫去咗Cottage幾天, 昨天先返.  我地約定今天搬去佢家, 五哥一家今天由英國飛嚟, 加埋姨甥一家,  好熱鬧呀!   三家姊屋企夠大, 有足夠房間招呼我地.   哈哈, 佢地個basement夠哂大, 係個超級娛樂室, Karaoke, 麻雀耍樂, 桌球, 乒乓球都得.

今早執好行理, 食完早餐, 第一件事係整士多啤梨果醬

昨天摘咗咁多士多啤梨, 根本食唔切, 攞咁的嚟做果醬就最啱.

整好之後入樽, 仲可以拎去三家姊屋企做拌手禮.  哈哈, 跟著呢個星期, 咁多人一齊食早餐, 整定的果醬, 大家一齊食都好呀!

搬好哂的行理, 我地出去飲茶醫肚.   呢間釣魚台酒家, 的野食都唔錯架.

食完返去整理的行理(買咗好多手信比佢地呀!) 而姊夫就去接五哥一家....

接到五哥一家後...嘩嘩嘩, 好熱鬧呀!   响香港都無咁高興呀!

晚餐我地出去食越南菜

姊夫介紹呢間, 佢話呢間响多倫多算係好正宗.

我地十二個人, 大家各有各叫.   大家講好, 唔需要大家請來請去, 兄弟姊妹, AA制.

大家各自點選自己的粉麵飯, 而姊夫就幫忙點小食, 濱海, 蝦捲, 粉捲, 春捲, 炸雞翼.

最特別係呢兩個個越南酸湯鍋, 一個係魚鍋, 一個係海鮮鍋, 幾好味架!

食完返屋企, 大家都要早的休息, 明天我地要八點出發, 去Niagara Fall 呀!