去骨醉豬手

Jun 16, 2016, Thursday night

食完晚飯要開工, 因為要預備明晚晚餐共中一道菜....

哈哈, 呢道菜又係用嚟招呼雀友....其中一個係麻煩鬼呀!   佢話好祈待.

其實都唔係咩野特別餸, 只係整醉豬手之麻.   將的豬手洗淨

用pressure cooker 炆煮20分鐘....全部腍哂

先用過濾水降溫....跟著就係做比較麻煩嘅工作, 就係拆骨啦.  趁的豬手仲熱仲腍, 拆骨會比較容易, 如果浸咗冰之後就好難拆架啦.

呢個麻煩鬼, 唔止要點菜, 仲提議最好拆埋骨, 好似的泰式豬手咁.    哈哈, 呢個世界無咩野係唔得嘅.

拆拆拆拆拆, 拆咗一大埋骨出嚟

再用冰浸的豬手, 浸完冰, 的豬手就會皮爽肉脆, 一的都唔油膩

浸冰嘅時候就整的汁, 今次買咗香糟露

我試咗味, 淨係用香糟露唔夠味, 我再調過: 呢道有10湯匙香糟露, 4湯匙花雕, 2 湯匙魚露, 一湯匙糖....總之試到啱口味.  跟著我加咗的杞子落去.

原來去咗骨都幾好架, 碟豬手細碟的, 汁無需整太多, 今晚浸一需, 明天翻轉再浸另一面.

 

加蓋放入雪櫃

浸好係咁架.    佢地話非常美味....好飽都忍唔著再食多件, 幫我清哂呀!