咖哩牛腩

August 28, 2016, Sunday

上次炆好咗的清湯牛筋腩, 趁星期日多的時間, 今日整咖哩牛腩, 咁星期一晚放工回來, 好短時間翻熱就食得.

 

 上次炆時, 原件未切

牛筋腩分別切開大件

薯仔切好, 先用平底鑊煎吓

炆牛筋腩的清湯,

今次用呢款行川椰汁咖哩

先爆香的咖哩汁, 加入牛筋腩爆炒

加入清湯, 最後加入薯仔.  

 

咁就攪掂, 我無炆到的薯仔好腍, 因為明天要翻熱煮多一次, 的薯仔太腍溶哂就唔好啦.

响我煮緊咖哩時, 型爸收到林老闆電話, 叫我地今晚過去食飯, 吓, 好野, 我整咖哩牛腩過去咪好囉.    點知佢地已經炆咗牛助條, 咁我即刻唔出聲, 唯有整第二樣餸啦.

最後我煎羊架加兩塊西班牙黑毛豬扒...匆匆忙忙, 唔記得影張相添

林老闆整咗XO醬炒大蝦

蒸海魚

 
炆牛肋條, 仲有炒菜

另外買咗的齋及豬耳用嚟送酒

仲有毛豆.

我同林太飲柚子酒, 林老闆同型爸就梗係飲威士忌啦.

食完仲有飯後果呀!

今餐食完就梗係輕鬆, 唔使洗洗抺抺呀!