熱辣辣火鍋

August 27, 2016, Saturday

今早出荃灣攞車, 一停車好開心, 見到隻新精靈"耿鬼", 哼哼, 點知又係擲一個波打中, 彈番出嚟跟著即走佬....

嗚嗚, 我唔制呀, 昨晚隻卡比獸走佬, 呢隻耿鬼又走佬...

型爸就好彩呢, 我隻走佬, 佢就捉到....

心情唔好,  罷煮呀!  (哈哈, 搵個藉口啫), 我話打邊爐, 佢兩仔爺舉腳贊成啦.  兩日前我晚上去咗New World Millennium Hotel Cock Tail Party, 佢兩仔爺去食雞煲呀!  大熱天時熱辣辣...

都係買嗰的野啦, 二公子最緊要係牛肉...   魚蛋, 魚皮餃, 潮州豬肉丸, 芝士腸, 腐皮, 牛栢頁, 水魷

另外買咗海蝦同龍躉

通菜, 菜心苗, 生菜

今次用老乾媽麻辣火鍋湯底.

洗洗切切我都整咗好耐, 今晚提出, 要兩個年輕人洗碗....二公子是一個龐壞了的大男孩, 平時家務事都唔使佢做, 最後梗係佢女朋友洗啦....