菜心豬什湯

September 10, 2016, Saturday

星期六唔使返工, 今天又要做家務清潔工作, 跟著要去探媽媽, 又要去買餸, 的時間好快過, 跟著就要煮晚飯.

平時好多時都係煲湯,   今日就滾個菜湯....

 
買咗豬腰豬心, 洗淨切片, 用豉油豆粉糖麻油胡椒粉醃好.  豬腰我切哂的白筋, 咁就唔會有異味.  煲滾兩湯碗水, 加三大片薑, 放的豬腰豬心, 再加咗少少鯪魚肉, 滾到的豬腰豬心熟哂, 我先加的菜心落去.  滾到的菜心腍就攪掂.  


撈起的湯料, 就係一大碟餸


咁呢餐仲有苦瓜炒牛肩肉

鹹魚蒸肉餅

咁又算係三餸一湯啦.   睇吓的湯嘅顏色, 雖然係滾湯, 但都煲得好濃架.

平時好少咁滾湯, 型爸話好味呀!   呢款湯要嚟做湯飯, 都好ok架.