中秋節

September 15, 2016, Thursday

好耐無去哥哥家食晚飯啦.   平時做節都要返奶奶家, 今年中秋因大伯約了朋友, 改了追月才做節, 哈哈, 咁就啱哂我, 正日去哥哥家食飯, 明又才去奶奶家.

哥哥做所都唔係個個都叫, 佢話屋企坐唔落咁多人, 佢淨係叫的香港孤兒仔...即係我的姪女姨甥, 爸爸媽媽都在加拿大, 咁就叫佢地一齊嚟食飯, 照顧吓佢地啦.

食飯食咩都唔緊要, 家人聚一聚就最開心.  哥哥家工人姐姐做咗好耐, 好叻架啦.

炆冬菰

瑤柱節瓜, 哈哈, 咁煮法又女幾特別

魚肚炆海參

炆鹹豬手

魚肉煎蛋

糖醋汁黃魚

素什錦

 

蒸雞

我就整咗無骨醉雞.... 嫂嫂話叫我唔使整, 但我結果都係整一碟嚟啦.

 哈哈, 大家比面, 兩款雞都食哂

今日只得十位, (一位姪女外遊, 另一位姨甥要返工), 但有九餸一湯, 好夠啦.

開咗枝白酒一齊飲, 大家好開心呀!

食完飯仲食湯丸....嚟哥哥家的指定動作.

食完飯仲有餸慶節目.....

我地一齊去行青衣海邊長廊呀.....嘩, 超多人, 好似維園咁.

今天月亮很圓呢!

好多人同的小朋友玩燈籠, 仲有好多年青人响道捉精靈....哈哈, 包括我同型爸呀!

不過唔敢逗留咁耐, 要返去睇兩隻寶具...

唉, 獨留兒童在家中就係有問題, 呢隻Whisky又發脾氣, 咬爛哂四邊茶几角呀!