醉豬手 + 醉鴨舌

September 15, 2016, Thursday

中秋節公司提早四點放工我都好忙呀!

昨晚整咗醉雞今天拎去哥哥屋企,  今日就整醉豬手同醉鴨舌, 今晚浸好, 明天就可以拎去奶奶家.   整冷盤好的, 熱餸拎到返去都凍哂, 翻熱又唔好食.

豬手預先解凍

凍水落鑊

跑活水

洗淨, 放入萬能煲炆就得啦.

出去前按製筋腩炆, 個煲有保溫功能, 一陣返到嚟, 的豬手一定腍哂

到食完飯返到屋企的豬手炆好, 馬上用過濾水沖洗降溫

趁熱時就拆骨

睇吓呢堆骨幾勁

拆好的豬手仲係好腍

馬上加冰等的豬手變得結實

睇吓, 結實番就似番豬手, 就可以加入醉汁(香槽露, 花雕酒, 魚露, 糖...今次無落杞子).... 去哂的骨, 哈哈, 醉汁都唔使落咁多呀!

至於的鴨舌就仲簡單...

解凍沖洗乾淨

小煲加薑片, 紹酒跑活水至熟...

跟著用過濾水沖洗降溫

跟著落醉汁浸就得啦.

哈哈, 今晚忙忙忙, 但整好明天就大把時間啦.