溶了的南瓜炆排骨

September 6, 2016, Tuesday

放工後趕回家煮飯都真係唔容易. 準時放工, 的工作又未做完.  遲的走加上開一小時車,  返到去都已經好攰.

昨晚遲了的走, 返到屋企型爸叫我唔好煮啦, 出去食啦, 大夜我都唔想煮, 咁就出去食.

但日日出去食都唔掂.  今日準時放工, 多的時間屋企煲湯煮餸.

都真係多得現在的家庭電器, 有個萬能煲, 要炆餸, 時間都縮短好多.

今日整南瓜炆排骨, 呢的中小形南瓜, 大小啱啱好, 一餐炆一個.

的排骨汆水, 跟著將南瓜排骨放入萬能煲, 再整個調味汁, 一按制, 25分鐘就會炆好....

哼哼哼, 炆就係炆好, 不過的南瓜就溶哂.  無辦法, 用萬能煲唔可以先下後下.  唯有接受啦.  咁的南瓜蓉汁都非常好味.

煮飯炆野時就整釀反炸豆卜

白焯菜心苗

 
仲有個什魚靚湯....睇吓的顏色就知好味....型爸一飲就讚... (哈, 咁辛苦就係想聽呢句)

呢三餸一湯都唔錯架, 型爸二公子都食得好開心.

辛苦的都係值得嘅!