煎鴨胸白汁螺絲粉

September 14, 2016, Wednesday

 放工回家有點趕, 又要煮快餐.  今晚只有我同型爸食晚飯餐, 型爸詬食咩都得.

本來諗著食意大利飯, 但匆忙間攞錯咗包螺絲粉, 哈哈, 無所謂啦, 都係咁食.

 呢的即食螺絲粉真係好方便,  唔使預備奶, 忌廉, 芝士都可以唔使落... 調味响哂入面

 

包裝寫著無防腐無色素, 教埋係點煮

 

開了包裝, 倒落小煲, 加500ml 水, 一邊煮一邊攪, 包裝寫煮7分鐘, 我煮了5-6分鐘, 跟著熄火焗5分鐘.

 呢個時候就煎鴨胸

 平底鑊都唔使落油, 一煎的鴨胸大把油

 的意粉得啦, 放落個深碟好大碟呀! (好彩聽型爸話煮一包夠啦)

 加上煎鴨胸

 我同型爸share, 每人一碟

 整個飲品添, 我喜歡的蘆薈小麥草

 

 簡單的晚餐

 其實我有兩手準備, 如果型爸唔夠, 我可以即刻整Taco比佢食.  但原來一包煮起, 真係夠兩個人食, 咁就唔使整Taco啦.

 食完之後都好忙, 要煮定的野比狗狗明天食, 又要預備一樣餸明晚去哥哥屋企食晚飯.   本來嫂嫂同我講放工咁趕咩都唔使整啦,  但我個心唔舒服, 都係整少少野啦....

一醉即解決...

 蒸雞, 拆骨, 調醉汁....

無骨醉雞...浸一晚可能太濃, 但無辦法, 明天一早起身倒起的醉汁應該都可以.