醉鴨舌

August 20, 2016, Saturday

呢排真係無咩煮意, 哈哈, 成日顧著捉精靈呀!  但Cindy放假回緬甸, 我想唔煮都唔得啦.  明天有Potluck 聚餐, 又要諗吓煮咩野.

响雪櫃摷到包鴨舌, 整咗佢都好喎.   點整好呢!  容易的好喎, 整整醉鴨舌啦.

的急凍鴨舌就陣雪味, 我用薑片將的鴨舌汆兼煮熟,

跟著用過濾水清洗, 再用冰降溫.

 
跟著調個醉汁: 10湯匙香糟露, 4湯匙花雕, 1 湯匙魚露, 再試吓啱口味就得.

轉入玻璃盒, 浸著佢就得.

三個鐘後, 將的鴨舌翻轉, 拎一隻試味,   唔, 要浸過夜先得呀!

 

第二日浸好, 的顏色都深的呀!

食時就切靚佢, 中間加的醉汁, 唔夠味嘅就可以再醮的嚟食.

除咗呢樣, 仲要諗吓再整的咩野好呢!