燒汁牛肉

August 21, 2016, Sunday

昨晚整整鴨舌時, 同一時間, 我都炆定的牛展同牛筋腩

兩條急凍嘅巴西牛展都只係HK$70

慳水慳火慳力, 一次過將的牛展, 牛筋牛腩跑活水

跑完活水就一齊放入萬能煲炆

牛展先炆好取出待涼後放入雪櫃.

牛筋腩炆好之後, 入盒放入冰箱, 想食時再攞出嚟整柱侯牛腩或咖哩牛腩都得.

今晚Potluck, 嗰雪櫃攞的牛展出嚟, 雪凍之後的牛展容易切, 亦都可以切薄的.

我要整燒汁牛肉, 唔想的牛展太凍, 放入蒸爐蒸8分鐘加熱, 跟著馬上整個燒汁

用三沙匙紅燒汁, 加半杯凍滾水, 的燒汁偏甜, 我再加的蠔油,

預備了蔥蓉, 紅蔥頭, 蒜蓉

先將的蔥蓉, 紅蔥頭, 蒜蓉爆香, 加入燒汁, 煮到的汁有的濃嘅感覺就ok, 當然要試味啦.  我覺得的燒汁味稍甜, 加咗的蠔油落去, 味道又幾好喎.

煮好之後淋上的牛肉上就可以.

呢個煮意係因為上次去北京老家食草捆牛肉, 見到佢地嘅牛肉, 食落同牛展有的相似, 亦都係煮的醬汁加落去,

型爸試味, 佢話味道唔錯, 開心!

拎去Potluck時, 林老闆話幾好味, 但佢以為係辣嘅添....又係喎, 加咗辣, 可能更加惹味, 下次試吓先.