黑毛豬梅頭义燒

April 4, 2017, Tuesday

呢排巴西凍肉事件鬧到熱哄哄, 我地的小市民真係無耐.   個個去凍肉檔都係咁買雞翼豬扒, 都唔知會唔會買到的黑心肉.

上星期六去大埔街市, 專誠去買黑毛豬, 我諗呢的貴的安全的. 

買咗一大嚿黑毛豬梅頭肉, 一開四大件, 可以用嚟整义燒, 另外再買的梅頭粒及排骨, 呢的可以用嚟蒸

今日就用其中一佢梅頭, 用的义燒醬, 海鮮醬, 加少許玫瑰露去醃

跟著入焗爐焗30分鐘(每邊15分鐘)

今日無加蜜糖或麥芽糖水, 所以無咁"令"呀!  如果請客, 呢個步驟就唔炒得.   只要上面加番焗盤內的汁就靚好多架啦.

今餐仲有反炸豆卜

仲有蔬菜天婦羅

清炒菜心苗

睇吓我都仲未影大合照, 的餸都無咁40%

仲有個青紅蘿蔔豬骨湯呀!

美味的四餸一湯, 滿足呀!