我愛奶皇流沙包

April 7, 2017 Friday

慢魔魔明天生日, 我地預早一天同佢慶祝.   秘書小姐join我地一齊去食. 

平時秘書小姐都係帶Lunch box, 比較少出去食飯, 佢聽我講彩晶軒的奶皇流沙包好食,佢話不如去彩晶軒啦.   哈哈, 生日嗰個話無所謂, 咁就去彩晶軒啦.

咁慢魔魔生日, 食好少少啦.  就叫呢個點心龍鳳配B餐, 有乳鴿同最主要懷舊糯米雞, 慢魔魔鍾意食.

跟著仲可以點六款點心, 計吓用2.5嘅原則, 未必夠, 但加兩個冰花燉蛋就差唔多.

乳鴿一開四, 每人一件

油菜

煎魚餅...麻麻, 的魚肉太腍, 唔知係呼加得粉多

呢碟釀豆卜唔得呀....直程係將的粟米魚餅加落的豆卜, 魚肉腍, 豆卜韌

皮多瘦肉粥

脆脆龍往腸, 又幾得意喎, 腸粉包著蝦春卷, 入面的春卷仲脆架.

奶皇流沙包, 生日嗰個兩款都食一個, 我同秘書小姐每人食一個流沙包半個义燒包, 麻煩鬼就淨食一個义燒包, 哈哈, 分得好呀!!

個奶皇流沙包真係無令我失望, 流沙得嚟又有鹹蛋皇的味...good

遲來的糯米雞, 我地都差不多飽了, 大半隻都係慢魔魔食的

最後加了兩客冰花燉蛋, 每人一半....

好夠呢!  滿足.

堆單仲簡單, , 三個合請一個, 每人一百.