April 8, 2017, Saturday
今日真係有的驚險, 差的要走火警. 型爸話睇吓個冰箱有咩好野快的整嚟食啦. 咁又係喎, 如果真係燒到埋嚟, 要撤退, 可能咩都無哂.
見到呢嚿斧頭扒, 雖唔係咩靚野, 只係上星期去梁九記買的. 咁大嚿唔好阻著個雪櫃, 就整呢件啦. 兩寸厚, 3.5lb, 好勁呀!
解凍後放落隻碟, 十二寸長嘅碟都唔夠放呀!
哈哈, 用鑄鐵鍋打斜放, 緊緊夠放咋
都仲可以煎到格仔面.
兩面煎完就要同佢做運動, 個邊都要煎埋, 封著的肉汁呀!
煎好入焗爐, 先預熱, 220 度焗20分鐘, 嚿扒咁厚, 我10分鐘時翻了一次. 上次1寸厚的扒我焗了10分鐘, 今次2寸厚, 20分鐘應該ok
焗好之後, 用鍚紙蓋著. 靜止10分鐘, 等佢收收血水.
呢個時候就煮龍蝦湯...哈哈, 梗係即煮樽裝呢款啦. 屋企無cream, 就用full cream milk 代替
呢樽XO, 我每次煮龍蝦湯就加兩三湯匙, 都比我用哂啦.
龍蝦湯煮好
炒多個拌菜
食得啦
一切落去, 非常軟腍, 入面的肉粉紅色的....成功呀!
馬上切開幾嚿, 每人一的
呢款斧頭扒, 有牛味但肉質粗糙, 無我地响Cycon買嘅Black Angus 肉質咁好.
塊扒真係好大, 我地四個人都食唔哂....但我兩隻寶貝流哂口水....益吓佢兩隻野啦.
跟著同型爸飲番杯慶祝我地屋苑無事, 那場火景亦都無人傷亡, 亦沒有波及很大地方, 不幸中之大幸. 消防員仍要繼續射水幾小時, 以防死灰復燃....辛苦哂!
沒有留言:
張貼留言