勁薑雙薯糖水

April 5, 2017, Wednesday

蕃薯成日都買, 但木薯其實我係第一次買.   嗰日响菜檔, 十元四份, 有位阿姐係咁"搶"咗幾份, 即係十元四份都係木薯.  咁我就好奇怪問吓菜檔嗰位先生木薯有咩好, 可以點煮.  嗰位先生話, 好似薯仔咁, 煎炒煮咩都得.   咁我又想試吓, 買咗兩條.

昨天整蔬菜天婦羅, 諗著切一中中, 炸起咪同蕃薯薯仔差唔多.

哈哈, 點知呢個Cindy, 幫我全部切條. 整蔬菜天婦羅都用唔哂, 今日我就叫佢同嚟煲糖水.

用木薯條及蕃薯條煲糖水都係第一次呀!   只需煲個勁薑糖水, 一定好味.   再者, 木薯比較寒涼, 落咗勁薑, 就無問題啦.

哈哈, 煲完之後, 的蕃薯差不多溶哂, 的木薯條就仲係一條條.

蕃薯都仲有的甜蕃薯味, 木薯其實就無咩味, 但配咗個勁薑糖水就好美味嘞.

仲有一個木薯, 睇吓點煮好先.