五號屋的部落: 7月 2012

2012年7月30日星期一

沙巴肉骨茶

2012年7月30日下午1:15公開累積瀏覽 546 1

July 25, 2012, Wednesday

响沙巴買返嚟嘅肉骨茶, 急不及待, 要即刻煲呀!

呢款肉骨茶比以前買過嘅細包的

背面教埋點樣煲

比個close up 睇吓, 3000cc 水, 要落3個蒜頭, 6個冬菰, 1湯匙杞子, 蠔油6湯匙, 生抽2湯匙,老抽隨意, 冰糖30G, 1茶匙胡椒粒, 一斤排骨, 煲2個小時.

肉骨茶 (4)

買嗰時, 佢地提醒我, 呢三個蒜頭係最重要, 只需要去咗外面一層衣就可以, 然後全個放入去煲. 我之前煲過, 梗知啦.

Dinner 20120725 (1)

煲好啦, 好正呀! 絕對有試飲佢地嗰的時一樣咁好味.

呢款肉骨茶, 藥材味無咁大, 比較容易接受, 星加坡出品嘅肉骨茶, 藥材味太重, 唔係咁多人可以接受.

不過我無跟recipe落咁多蠔油呀, 落咗少少咋. 因為當湯飲, 落咁多蠔油始終覺得有點那個.

芝士粟米鹹牛肉卷 & 咖哩牛肉包

Aug 4, 2012 9:08 PMPublicPageviews 302 3

July 30, 2012, Monday Night

兩個星期無整麵包之麻, 點解好似覺得咁耐嘅.

買咗礶鹹牛肉返嚟, 今次用嚟做配料. 平時都好少食呢的corned beef, 不過用嚟整麵包, 又好似好方便. 見到雀后整栗米牛肉包, 嘻嘻, 我又整呀!

湯種 : 50g高粉, 250 ml 鮮奶 (分兩份)
材料 : 每一份麵團 400g 高粉, 20g糖, 125-150ml 鮮奶, 油40g, yeast 7g, 鹽8g

今次又係一次過整兩個麵團. 將其中一個麵團用桿麵捧壓平至長方形

將鹹牛肉平均塗上麵團(一邊留3/4寸收口), 再灑上粟米粒(我唔夠粟米呀!)

捲好, 用刀切開一件件(每件大約 3/4" 至 1")

每件放入焗盤作最後發酵, 掃上蛋汁再加上芝士碎, 預熱焗爐180C, 焗18分鐘.

另一個麵團就分割搓圓成14份, 每份50-53g.

今次好特別, 剛啱嗰餐食咖哩牛腩, 有剩喎, 我就用嚟包麵包. 的牛腩剪碎成牛肉, 薯仔都剪成粒裝, 包時再加的咖哩汁

好快又包好的咖哩薯仔牛肉包啦. 蓋上布作最後發酵

塗上蛋汁, 再加上碎芝士, 180C, 焗18分鐘.

的芝士鹹牛肉栗米包焗起好靚呀!

咖哩薯仔牛肉包都唔錯.

食起上嚟, 個咖哩包好正呀!

鹹牛肉&咖哩包 (1)

至於個鹹牛肉包, 味道ok 啦, 但係始終係礶頭牛肉, 味道當然無鮮牛肉咁好.

諗深一層, 都唔知點解要用四十幾蚊買礶鹹牛肉, 用四十幾蚊買新鮮牛肉用嚟整麵包係咪好味的呢!

2012年7月29日星期日

July 24, 2012, Tuesday,

早上起床, 第一時間開電視睇吓天氣如何, 點知無線係完全收唔到, 反而亞視仲可以接收得到.

仍然掛著八號風球, 無需要急於梳洗上班, 反而掛心公司其中一個外藉同事, 嚟咗香港一兩個月, 可能唔知八號風球唔使返工, 咁嘅天氣撲咗返工, 有危險咁點算. 即刻打比同事通知佢. 無幾耐, 天文台又話大約早上十點前後會改掛三號. 咁就要準備返工啦.

到落咗三號風球, 我地呢邊仲落緊好大雨, 都係等的雨細的先出門口.

最終叫Ruby煮碗麵食埋先出門口.

出門時, 雨還是下過不停, 由小路出去, 已經開始見到的倒塌嘅樹.

一轉出去, 對面的樹倒塌得更厲害

一轉出大路, 已經見到前而一棵大樹倒塌入車場內, 壓著一兩架車. 如果這棵樹壓后馬路這邊, 就會封咗這條公路.

跟著嗰幾分鐘, 見到嘅盡是倒下嘅樹, 當時收音機講, 大約有一千棵樹倒下, 但我估計, 淨係我地經過呢條公路, 都可能有過百棵樹倒塌.

行咗好短路程已經開始塞車,跟本睇唔到前面情況, 對面線一架大貨車經過後見無咩車, 以為已經塞完車, 卻原來係一大水氹, 耍等對面線的車停咗, 我呢面嘅車先敢駛過, 的水深遮過輪胎, 我地都好驚架車會死火.

好開心過咗水氹, 又開始塞過. 兩面不停有塌樹擋著路面. 兩面車輛, 塞完又停, 停完又塞

所見之處, 滿目瘡痍, 而我影到嘅相, 只係左手面, 而加手面塞緊車, 睇唔到的情況係點.

跟著再要經過一處再深的嘅水氹, 心中更加忐忑, 因為真係好驚的水打入engine, 到時架車死火都唔知點算, 又唔可以停低, 幸好安然渡過.

塞呀塞呀, 塞到公路尾後, 呢道的塌樹攻厲害, 有一架廾都算好彩, 一棵大樹塌响車後, 並無壓著架車. 不過呢架車就要等清理好呢棵塌樹, 先可以駛出嚟.

塞咗個幾鐘先出到路口, 諗著好開心啦, 可以上高速公路, 點知高速公路一樣塞, 我地等咗十幾分鐘都cut唔到線入去, 又唔知公路發生咩野事, 又唔知要塞幾耐...最後決定, 唔上高速公路, 駛入市中心內街. 因為我地塞到內急, 要搵洗手間.

入到市中心, 車沒有那麼多, 但一樣係塌樹處處. 兩面行駛嘅車都要左閃加避. 呢棵大樹有二三十尺高, 倒上行人路, 再壓入公園, 根部連整個花糟都翻起來.

去完洗手間之後, 我地決定回家, 的交通情況咁惡劣, 如果堅持出去, 都唔知要塞幾耐, 可能塞到出已經下班.

回程一樣唔好過, 原另一面嘅塌樹更多, 而我地唯有繼續塞車回家.

最終我地四點幾先返到屋企....由出發至回家, 塞咗幾個鐘. 但慶幸雖然花了時間, 但可以安全回家, 已經非常好了.

今次呢個颱風, 無做成太大嘅人命同財物傷亡, 但對的樹嚟講, 今次係大災難. 政府公報倒塌樹四千幾棵, 數到嗰的可能係咁多, 但仲有好多係樹林入面數唔到呀!

都唔知幾時先清理得哂呀!