茶飯不思的Loki

2012年7月28日下午1:24公開累積瀏覽 405 3

July 23, 2012, Monday

我地一家去旅行就開開心心, 但家中嘅Loki就茶飯不思呀!

我地返到屋企, 二公子同我先入屋, Loki係開心到發咗顛咁, 又叫又跳, 叫極都唔停, 撲埋嚟錫我, 的牙撞落我下巴, 攪到鬼咁痛.  不斷係咁跳.  當佢發現型爸仲未入屋, 佢就開始不斷大聲嗚叫, 叫足幾分鍾, 點樣stop佢佢都唔理.  直至型爸泊好車入嚟, 去撲埋去錫佢, 佢先停止唔嗚叫.   不斷鍚完型爸, 佢就圍著茶几不斷跑, 直至佢的情緒平伏下來, 我地先可以認真攬著佢, 睇吓佢.

型爸話點解佢好似瘦咗咁多, 摸落去無哂的肉, 的腳又污糟, 的毛亂哂飛到成身都係.

Ruby話我地知, Loki呢幾日都唔係好肯食野, 連水都無咩飲.  每日都唔肯入屋瞓, 晚晚都喺閘口等我地.   唉吔, 聽到都心痛, 呢幾日打風落雨, 出面咁濕, 喺出面瞓又濕又污糟, 會唔會冷親架.

型爸返到嚟咩野都唔做, 第一時間幫佢梳毛, 睇吓梳咗幾多出嚟.  好彩梳咗咁多都仲有大把毛

跟著再睇吓Loki個樣, 好似唔係好開心咁.

到我地食完飯上房, 佢要坐喺房門口, 好似看實我地咁.  佢個樣好攰呀!  我諗佢真係幾晚都無瞓得好呀!


個身睇落去就無咩瘦, 但摸落去真係少咁的肉, 一摸就摸到骨.

當晚响我地房間, 佢好早就瞓啦.  當晚十號風球, 天台吹到嘭嘭聲, 佢都無醒到, 真係攰得好緊要.

Loki 唔開心個樣, 維持咗兩三日, 而家生活回復正常, 佢無事啦.   Loki可能曾經被人遺棄, 好無安全感.

先兩次我同型爸去台灣同泰國, 二公子喺屋企, 佢每日黐著二公子, 又無咩野.  今次我地全部一齊出去幾日, Loki攪成咁.... 唉, 明年我地可能出遠門, 兩三個星期, 咁點算呀.....