Sabah Trip - Day 5

2012年7月27日下午1:25公開累積瀏覽 456 2

July 23, 2012, Monday

快樂的日子時間過得特別快, 又到假期最後一天, 今日無行程, 兩位公子要瞓晏的, 型爸話唔游水.  咁我地執好哂行理, 先落去食早餐, 兩位公子就晏的先落去食早餐.

我地落到去, 又係食的好類似嘅食物.

不過今天先發現, 呢道都有"辣死你阿媽" 喎.   嘻嘻, 都係昨天馮業記嘅老闆介紹得好.


不過我地無食呀! 晨早真係食唔落飯.

再要咗少少湯米粉同椰菜苗.

哈, 食到差唔多, 又發現呢道一樣有豉油撈生熟蛋多士.    我同型爸都食唔落, 呢個時候, 兩位公子落嚟啦, 話比佢地聽.....

兩位公子都好開心呀! 佢地兩個都即刻整嚟食, 但我同型爸已經食咗其他野, 頂唔著啦.

食完上去執好哂的行理, 落大堂check-out. 大約十點半導遊到, 我地要出機場啦.

不過導遊話再要去Sutera Hotel 接多一家人.....點知呢家人遲咗半個鐘先落嚟....

機場途中, 見到個火車站, 沙巴仲係用緊傳統嘅路軌火車....個導游話馬來西亞政府, 將各省嘅稅收, 都用嚟發展首都吉隆坡, 其他地方, 有排都未能追得上.

到咗機場, 我地上三樓 departure hall

先去counter check-in的行理, 咁我地就可以輕鬆咁周圍行吓.

呢間就係沙巴機場唯一一間急凍海產店, 如果想要買雪條或海產, 就要即時買咗再過移民局.  我地之前未嚟過唔知道, 本來想買的雪條返去, 但二公子想要嘅芋頭味無貨, 只有芒果味及榴槤味, 但佢三仔爺都唔食榴槤, 我地心諗, 過咗immigration 應該仲有得賣....點知錯哂...

未入immigration 之前有間McDonal, 佢地又話要試吓, 睇吓有咩分別


咦, 香港真係無呢一款喎....


結果型爸又去買嚟食.....吓! 有無攪錯...使唔使買咁多呀?



足足買咗四個加大餐


呢款炸雞包香港都係無, 而另一款雙層雞肉包就好似麥香雞包.

另外呢款似雞肉漢堡,  一客麥樂雞有九件.... 不過又比佢地全部食哂.

食完就過關啦....排隊排咗好耐呀!  的關員動作比較慢呀!

入到去有Duty Free shop, 朱古力, 酒都有, 但就無急凍海產店.  呢道有好幾款未見過嘅whisky, 但大部份都只係10年, 12年同15年, 結果我地無買!


再行過有間Starbucks.

估唔到呢間Starbucks有咖哩飯賣, 因為係唯一一間入閘後嘅食肆, 好多人.  我地已經食飽飽, 完全無興趣.   我見到的團友, 佢地話叫咗的飲品, 等好耐都無, 結果要改take away.

卒之上飛機啦, 遲咗少少先起飛

真係估唔到, 份飛機餐又幾ok喎.

雞胸肉沙律

鬆軟蛋糕


黑椒雞肉麵都ok.

現今資訊發達, 未上機之前已經知道香港黃昏會掛八號風球, 最初都有的擔心唔知會唔會delay, 好彩都只係遲咗十幾分鐘起機, 我地到港landing大約四點五十分, 都真係好好彩.  攞好行理開車出機場, 天文台已經掛起八號風球, 本來要行元朗方向經大欖隧道,  點知封咗路, 結果要兜去青衣荃灣再行城門隧道....結果大塞車...

其實歸心似箭, 好掛著Loki, 但呢個時候, 個個都想快的返屋企 , 慢慢塞啦.  卒之差唔多八點返到屋企,  結束今次沙巴五天之旅.

都真係覺得幾幸運, 沙巴連續落幾日大雨, 我地去到天氣轉晴, 幾天行程都十分愉快.  香港打風, 又可以及時返嚟, 無嚴重delay, 如果我地滯留沙巴, 十號風球, 只得Ruby同Loki喺屋企, 真係掛心死呀!    而家只係返到嚟塞吓車, 幸運, 幸運.